المكتوب واضح من عنوانه
موسوعه المليون نكته
الفكره : انه كل واحد فينا سمع نكته او ألّف نكته او عايز يسمعنا نكته يكتبها هنا
وعايزين نحطم الرقم القياسي في النكت
وكل واحد يدخل للموضوع ده مايدخلش يقرأ وبس
لازم يرد بنكته
وكل واحد يدخل يرد بنكته واللي بعده بنكته لما يصيروا مليون نكته
ايه رأيكو؟؟
بس عايزلها شويه همه
وطبعا مش مره تكتبوا نكته وخلاص وماترجعوش تاني
لالا
احنا عايزين الموضوع ده يكون متجدد بنكته
وكل يوم تزيد عدد النكت
وعايزين كمان كل واحد يدخل للموضوع ده يطلع ميت من الضحك ==اسم الله عليكم
طبعا نمنع من وجود اي نكته مخالفه للآداب
يلا ورونا الهمه يا جماعه
ولكم فائق الاحترام والتقدير
والبداية عندي
واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك
وحدة اتهمت غبي إنه مغازلها بالمسجات قال: سألوه قال أبدا هذا مش خطي
اتنين مساطيل راكبين عربية خبطوا واحد فالسائق بيقول للى جنبه انزل شوفه مات ولا لسه قاله السكران التانى تعالى يمين شوية..أيوه.. شمال شوية.. أطلع لقدام... بس كده مات
واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك
صعيدي بيكلم نفسه جمبري في الطبق.............لأ أرنب في الجردل .............لأ كابوريا في البانيو.............لأ أحسن اتصل
بالدكتور ...........ألو دكتور أنا عندي أيه بالضبط؟ قاله ده عاشر مرة تسألني أنت عندك سرطان في الحوض
مدرس عربي دخل الفصل قال اليوم حصة املاء.. يا اولاد اكتبوا ورايا: ذهب حسام الى المصيف يوم الاربعاء.. راح ولد قام وقال لو سمحت يا استاذ هو الاربعاء همزة على السطر ولاّ على الالف؟؟؟ الاستاذ قاله خلاص يا ابنى خليها الخميس...
واتمني يتثبت
مع حبى ..~dal3~
^___^